يطيب البوح

محمد جمعان الدوسري  الدمام. الشرقيه

يطيب البوح لا جاك برتابه…….

وجاوبته بصوتك والربابه

وصرت من الوله تكتب شجونك….

وتنقلها بحكمه وانت نابه

عيون الشعر تسطرها المواقف……..

ولو ان المواقف ما تشابه

وانا والشعر واسراب الاماني………..

على رجم المعاني الستطابه

يشوش القاف في راسي وغييب…….

وتاخذني اللحون بوسط غابه

يطيب الشعر مع فيض المعاني……….

يجي ويروح لاحان انسكابه

كانه في يدي فنجال قهوه……….

مبهرها لخلي في صبابه

وللي يعشق القاف المغنى….

اذا طاب الهوى الحق سرابه

انادي للمعاني وان لفتني……..

يصير القلب للاشواق نابه

كذا ولا كذا ترنيم شاعر………..

مع الوافر ومثله في رتابه

ترانيم الهوى تشفي الموله…….

مع العاشق تطارد مع عذابه

خذيت من الهوى الممرور رشفه………

ولا كانت لمثلي مستطابه

وقلت اكتب على الوافر وهيجن…………

ولا عندي بعد هذا اجابه