محمد جمعان الدوسري ـ الدمام الشرقيه
أسج القدم في صحصح(ن) ما عليها سور
وأشوف الحزون اللي يرودنها السمار
وأنا بين ذاك وذا، فغب الألم محصور
أنادي الشعاب اللي لها يهدف الخطار
أروح وأجي كني بما سامني مأسور
على جال مشراف(ن) أناجي الهوى لثار
وأراجع سنين ما تراعي هوى الممرور
إلى من نحرها يضربه سيفها البتار
تلافيف أفكار(ن) تجيني وأنا محسور
حسب ما تجي أفزع لها، والجفا غدار
أبي لي على ما سامني من الألم دكتور
يداوي جروحي، وإن قدر يشلع المسمار
بأقلب تعاليل الزمن، والزمن مذكور
بأنه سجل ما فخت هادف الأقدار
وأنا أدري بأنه من قديم(ن) تمر دهور
تسجل وتحفظ ما وعينا وحنا صغار
تمشيت في روض(ن)، إذا زاره الممرور
نسى ما يغثه، لا مشى فغابت الأشجار
وبين الجداول فجلسته أوقد التنور
وحط الغضى والسمر، عله يرى خطار
يقولون: لا تجزع، وقلت: الزمان يجور
على المبتلى، لا دار به كيف لا من جار
من أول وحنا أصغار، وفي كفوفنا دستور
مسطر به الأقدار، وجور الزمان أطوار
عذولي ترفق بي، أنا في الهموم أدور
في غب الظنون أخاف من سيفها البتار
