اجر الصوت مع جر الربابه

اجر الصوت مع جر الربابه………..

وغالب وحشتي والبوح نابه

وأطارد بالهوى زمل المعاني………..

وإذا لدت لبدعي مستطابه

أناديها وأنا قاعد أدندن…………..

وبين أصابعي ناي و ربابه

أشوش اشوي ثم أسرح و أغييب…………….

وهذي عادتي عند الكتابه

تطاردني تلافيف الخواطر…………..

وأناديها وتأتي في رتابه

يقولون المعاني تهت فيها………….

وأقول البوح لي نوخ إركابه

كتبت الشعر من يومي صغيير……..

أخور إشوي وأسرح في صبابه

وعلى سيف البحر أقعد أغني……….

كما النهام لاحضر زهابه

أبرق في البحر والموج يقلب………….

وحولي رفقة(ن) مثل الذيابه

إذا فزعتهم قاموا كأنا…………………

على النوق العصافير النجابه

نباري بعضنا في حب لأنا………………

صدقنا والصدق لد إضطرابه

من الإصباح لين الليل يسري………….

وحنا مع هوانا في حبابه

وإذا جاء الليل والقمرى بدت لي…………….

نحرت الدار عجل(ن)في رتابه

أبرق للمجره في مداها…………. كأن إسهيل يضوي وسط غابه

ومع نجوم السماء اللي ذكرها……….. لنا جدي وهو همل سحابه

وهذي عادتي لاصرت قاعد……………….

معه والليل صافي في قشابه

وانا لامسيت مع جدي اخييم……………..

واسمر في سرور (ن)غير آبه

بزعل أبوي وأمي وأحتمي به………………..

وأبويه لا زعل!! كل(ن)يهابه

أحب الليل لامن جات أمي……………

تسولف لي أحازيب بغرابه

وتحكي عن سواليف إسمعتها………….

تحليها الدراما مستطابه

وأن في جنبها ما أخاف لله…………………

حواتي الجن وأنصت في صلابه

ومثل ماتعرفه من قول جدي…………….

لها ثم تنقله وأمي مهابه

عساهم في الهنا من وين راحوا…………..

عرفنا الدين منهم والنجابه

وأدندن يوم أنا في الحيش قاعد…………….

مع أخواني وصحبي والقرابه

واشوف الهجن تشرب من مدي(ن)………….

هماج الماي عاليه الشوابه

كأني في رحيمه مع لداتي…………..

تخاوينا تعاليل الصبابه

رحيمه ذكريات(ن) تحتوينا…………..

عشقناها ولا في ذا غرابه

لإن الحب أينع في رباها………………

لها تاريخ مياس برغابه

جميع اللي شرب ماها عشقها………….

ولو سافر تغلغل في إهابه

وأشوف ابوي لامن جا وحنا………….

نترقب له و نحسب له حسابه

كأنه يوم يلقانا يتباشر………….

حنان وحب مع حزم وصلابه

يبينا مانعاني ما يعاني………….

يطالع بالأمل عصر(ن)مضى به

وأنا جالس على رجم الأماني……………

لقيت الفجر آذن بإقترابه

ذكرت الله وحده دون غيره……..

وذا حالي والأروا ماتشابه