محمد جمعان الدوسري الدمام – الشرقية
عذولي بي ترفق وين رايح؟
تبصر بي إذا ما كنت توحي
ولا تعاتب، وجنبني الفضايح،
أنا أدري وين ياخذني شبوحي
يفيض الوجد لو ما كنت بايح،
بسري لا، ولانيب الشحوحي
إذا زاد الألم، لمّ الجوايح،
على الممرور لا لدّت شبوحي
أنا أدري، وأنت تدري، والقرايح
تباري مهجتي لا فاض بوحي
وأنا وإن كنت في الونات سايح،
بطارد ما بدا لي قبل أروحي
كأني في الهوى الممرور طايح،
على الآهات لا دامت لي جروحي
كذا ولا كذا، والقدر فايح،
بشرب من غبيبه قبل أروحي
شربت الصبر مع فيض البوايح،
وزاد الجرح، وزوّد لي جنوحي
قليل الفهم ما يروم النصايح،
ولو جاته من إنسانٍ نصوحي
كأنه قسم الشكوى شرايح،
يا لاحيها، وهو فيها يدوحي
