محمد جمعان الدوسري الدمام - المنطقة الشرقية
ألا ليتني في روض وادٍ كثيف الأشجار،
جروم السَّلم والسدر من حولي إعراضي
أتابع مخيلةً شوفها يعجب الخُطّار،
ويشفي القلوب اللي تنادي هوى الماضي
وأسج القدم في صحصحٍ يوقظ المحتار،
عليلٍ يداوي علّته بطيب مقياضي
وحوله مفالي الرمث تتبعه لا من سار،
في فيضٍ بها الحميض والشيح رضراضي
فيّاضٍ نديّه فيها العذب ما قد صار،
يلاحي هوايه لا تخيّرت مركاضي
وحنا جلوسٍ نحتسي الشاي والمجمار،
يطارد عموس النفس والشوق فضفاض
نطارد به الهاجوس والهم والأفكار،
ونركض معاه بسلوةٍ تسحر الفاضي
كأن أم سالم لا لفت تنشد السمار،
يلاحونها بالشدو والحزن غيياضي
على لبة اللبلاب دندانها مزمار،
وأغني معاها لين أسلهم وأنا راضي
وحولي جروم السمر تلتم كالأسوار،
وأدندن وأنا مسرور لا همٍّ وأمراضي
مع خوة رجالٍ يحفظون حق الجار،
لهم مع هوى الملتاع عن همّه أعواضي
حديثٍ هدفني صبح وعصير وله آثار،
تسامت به أشواقي وجمّع لي أنقاضي
