محمد جمعان الدوسري ـ الدمام – الشرقية
علموا اللي في حياته عاش خاوي
لا تجي نفسه من الوحشة عليلة
علموه يصير للأحداث راوي
ومن سحاب البوح ياخذ له مخيلة
والصحاح اللي مشى فيها خطاوي
يحفظ الذكرى لها لا تهد حيلة
وإن بغى يمشي على دروب الخلاوي
في فلاةٍ نادية يروي غليله
يلتحف عزمه ولا يلويه لاوي
وبالعزيمة والأمل يعرف سبيله
وإن تذكر صاحبه لو كان طاوي
لا يسوق الوجد وينغّص مقيله
صاحبي لا غاب عني صرت راوي
كني أنثر نزف قلبي في شليله
وإن زهمت البوح ماني شخص غاوي
أكتب أبيوتي لأبو عيون كحيلة
كلما سلهمت تكويني المكاوي
ميسم الولهان من النجوى يبي له
القلوب تشوف في عيون الهواوي
دمدمات الصدر للنفس الكليلة
ودمدمات الصدر لو فيها جداول
سلوة الممرور لا من جنّ ليله
الكلام الزين كنه عود جاوي
فوحته حلوة جديدة مع حويلة
لا تصير من الهوى متكات حاوي
رويٍ قصة تعلاتٍ طويلة
سج رجلك في الخلا منته جلاوي
من شرب كأس الصبر يروي غليله
الهوى والشوق ولحون الخلاوي
لا سكنت قلب الموله عزتي له
