محمد جمعان الدوسري
ترانيم أشواق
صال الهوى في وجيبي
وأنا أنادي حبيبي
في شوق يومه بعيدي
والقلب شفقان
شفقان..ويروم شوفه
جعل التعب مايحوفه
يصبح ويمسي سعيدي بالود مزدان
مزدان..والخير ساقي
من وين رووح يلاقي
مسار دربه سهييدي
والقلب نشوان
نشوان..والجو هادي
وانا أدور عتادي
في لطف ياسيد سيدي
الوان بالوان
بألوان..مما ملكني
أصدح بها أو اكني
حبه جرى في وريدي
والبوح له شان
له شان..ياسم حالي
ياليت زوله أقبالي
واللي في قلبي يزيدي
لو كان ما كان
لوكان ماكان..غالي
أنت الهوى ياحلالي
والله علينا شهيدي
والشوق بستان
