الشعر للشاعر ربيع التعاليل

الشعر للشاعر ربيع التعاليل………….

في حزة الراحه ونفسه تلمه

 

بستان من صالت عليه التهاويل…………

إذا قعد في خلوه يبث همه

 

يسري معاها عل يجني المحاصيل………

وإذا ستوت له جاوبه ما يهمه

 

مابين تنهيد الصدور المغاليل………….

وسيل الشجون إذا سقى يعود يمه

 

البوح ياخذ صاحبه فآخر الليل………….

إلى هوا الملتاع باللي يلمه

 

يجيه وافي ما يبي أي تحليل…………..

على وجيبه لإستوى في متمه

 

وإذا غرامه راح لأم الخلاخيل……….

اللي غزت قلبه من بعد غمه

 

يصير تايه في زحام التهاويل………..

بين الوله والشوق واللي يهمه

 

أم الجدايل تسلب القلب وتعيل………..

لفاح عطر(ن)من نسمها وشمه

 

لاشافها لجت عليه التفاعيل………..

إذا إنطلق في لحظة البوح سهمه

 

والبوح سلوه للقلوب المعاليل………….

اللي في واحات الوله مستهمه

 

يملي لها ما شاقها في مواويل………….

لامن عزف طرقه وهو في متمه

 

وإن نادم قلوب الرجال المقابيل……..

خذا فهيم الراي من طرف كمه

 

كم واحدٍ كثرت عليه الأقاويل……….

وارسل خياله بالهوى ثم ضمه

 

وكتب حروفه في زحام التعاليل………….

على فؤاد المشتقي يوم لمه

 

البدع لاعانق نفوس حلاحيل……….

وراعي الغرام اذا دنا منه نجمه

 

ميراث يحفظه الرجال المشاكيل………..

وينقل لنا ما شاقه فدحل عتمه

 

والشعر يشرق في تخوم الغرابيل…………

بإحساس منجوم (ن) تقفاه فهمه