محمد جمعان الدوسري الدمام – الشرقية
ألا يا بري حالي على الصاحب المجمول………….
حسين الدلال اللي بشوفه يداويني
أبو كاعب(ن) ملفوف، صافي ما فيه إعلول………….
حسين المحيّا، مسكنه محجر العيني
إذا جيت له ضايق، ووادي الهيام سيول………….
لقيت ابتسامة وجنته تحتفل فيني
سقى ما سقى ساقي الوله بين زولٍ وزول………….
وزول الوليف إذا سطا يكبّل يديني
على كيف كيفي، كيف كيفه عليّ يجول………….
نسانيس نسناس المودة يحيّيني
بدا ما بدا من طلته، وافي المجدول………….
إذا هفّه النسناس جاك الهوى الزيني
وإلى من تبسم، ينشرح صدري المعلول………….
دلال الغرام اقتادها له يودّيني
شربت الولع من كاس وده، وطاب القول………….
وأنا من شربته قلت: لا… لا تخلّيني
لفاني هواه العذب، والمسك منه سيول………….
يعالج موات القلب لا من شكى البيني
عذولي ترفق بي
ترى الواله المذهول………….
نديم المودة في الهوى بين قلبيني
