إلهام علاء ـ مصر
طرح المطرب مسلم أغنية جديدة بعنوان «طال بعدك» بطريقة الفيديو كليب، عبر موقع «اليوتيوب»، وجميع المنصات الموسيقية، وهي الأغنية الخامسة من ألبومه الغنائي «وحشاني».
«طال بعدك» أغنية ذات طابع درامي ويعبر فيها عن ألمه وحزنه الشديد بسبب إبتعاد حبيبته عنه، وشعوره بإحساس صعب، يعجز بسببه على نسيانه، وهي من كلمات أحمد عزب، وألحان كامل الجندي، وتوزيع موسيقى، اسلام شوقي،جيتار مصطى نصر، كيبورد محمود شاهي، ناي حاتم الصعيدي، ومن إخراج كريم رفعت، وتوزيع شركة “ديجيتال ساوند”.
تقول كلمات أغنية “طال بعدك”:
طال بعدك عني ولو فاكر دا ماكانش كلامك
دا انا عيشتها ليك عيشت مقاسمك ف جميع أحلامك
دلوقتي انا اقصى طموح ليا تتعاد ايامك
ولا قادر انسى ولا الايام عرفت ترضيني
قولي انت ازاي ارتاح لوروحي بعيد عن عيني
والله دا ظلم كبير ليا لو هانوا سنيني
عمال توحشني يوم عن يوم في قلبي ولسا على بالي
ولسا ماجيتش على بالك كإني غريب و مش غالي
عرفت القسوه آمتى و فين تعالى وشوفني من غيرك
مجرد بس أشوف صورتك بتنزل دمعتي قصادها
خساره فراقنا وخسارتك مفيش إنسان يعوضها
كفايه كلام زمان بينا لا يمكن أقوله أنا لغيرك
من بعد ما كنت حياتك فجأه بقيت مش فيها
من بعد الفرحه حياتي خلاص الحزن ماليها
أنا وحدي ماحيلتيش غير ذكرى بتونس بيها
لكن أصعب حاجه أتخيل ييجي غيري مكاني
وتحب جديد وتعيش وقتك عادي و تنساني
قولي إنك فاكر قولي إننا راجعين من تاني
عمال توحشني يوم عن يوم في قلبي ولسا على بالي
ولسا ماجيتش على بالك كإني غريب و مش غالي
عرفت القسوه آمتى وفين تعالى وشوفني من غيرك
مجرد بس أشوف صورتك بتنزل دمعتي قصادها
خساره فراقنا وخسارتك مفيش إنسان يعوضها
كفايه كلام زمان بينا لا يمكن أقوله أنا لغيرك
يذكر أن مسلم قد طرح في الفترة الماضية مجموعة أغاني هي “سحابة صيف” كلمات محمود عادل، وألحان كريم نيازي، وتوزيع موسيقى، وميكس وماستر إسلام الأزرق، وأغنية “بنلف وندور” كلمات وألحان مسلم، وتوزيع موسيقى، مهيب سليط، وأغنية “ماتتحبيش” كلمات حسام سعيد وألحان عمرو الشاذلي، وتوزيع موسيقى، وميكس وماستر، محمد ياسر، وأغنية “على كل حال” كلمات زياد ياسر، وألحان مصطفى يسري، وتوزيع موسيقى، وميكس وماستر، تيام طارق.
