محمد جمعان الدوسري
بأمرِ اللهِ وحده لا سعينا
بصدقِ العزمِ يجني المرءُ ودَّه
كتب ربي غلينا ما لقينا
ومن يرضى ويشكر نال سعده
مشيناها (خطى كُتبت علينا)
وما جانا من الله طاب ورده
خذينا اللي نبي واللي خذينا
مقدّر، والمقدّر ما نصدّه
وأنا وغيري من الورد استقينا
ومن سجى القدم يكفيه مدّه
يباريتا الهوى في كل حينٍ
ونجني الزرع لا من حان حصده
ولو أضناك فدارِ بكل لينٍ
وخلك واعيًا في كل شدّه
بشكرك والرضا واللي يجينا
هو المقسوم، ومن يعرف يصدّه؟
شربنا الصبر أول ما وعينا
وخير الله ما نقدر نعدّه
تزين أو ما تزين وما خذينا
مقدّر، والمقدّر ما نردّه
وحنا بالأمل إذا اهتدينا
نشوف الخير وناخذ منه رفده
