محمد جمعان الدوسري
لا تقول إنك تعاني الانكسار.
أو تنادي الهم بآهات الدعي
القدر مقسوم وأقداحه تُدار..
للسقيم وللأريب الألمعي
والحلـوم الطيبة تبغى حوار..
وجذوة إصرار(ن) بترتيب ووعي
والأمل يبني بيوت(ن) في قفار…
مجدبة إن شادها أحد(ن) يعي
من فتح عينه على رجوم العوار..
ومد دلوه في أسين(ن) موجعي
يحصد المجنى دمار(ن) في دمار..
يئن آهات الرميم المفجعي
والسعادة كأس مضمونه يُدار.
في قلوب(ن) صادقة ما تدعي
تشرق بمد الشلي من وين سار..
وتردم البير الغبيب وتبدعي
كم تمنينا من أحلام(ن) كبار.
ضاعت أحلامي وعاودني أوجعي
وكم نعيت الحظ عندي بانكسار..
تاه مرسى مركبي فغب السعي
وانثنى يجنح وفاختني القرار.
والقدر محكوم يا نفس اسمعي!!!!
والحياة الدروب إيمين ويسار..
وأنت فيها تنهب الدنيا بوعي
والحكيم اللي عرف فحوى القرار..
يتبع أحلامه بحكمة مبدعي
احمل همومك فكف الافتقار..
للعظيم المقتدر وأنت تعي
واحتزم بالصبر في ذل ووقار..
وفي خضوع العبد ثم اجلس معي
