محمد جمعان الدوسري _ الدمام الشرقيه
ياقديم الغوص في لجة بحور المعرفه لا ما تهون.
إفتح الدفتر وسطر هواجيسك وأنا بسرح معك
طالبك تصبر عليي لا خذتني سجتي في غبها ويا الظنون
و تاهت الحيله ولا عندي سوى السجه وتدعكني دعك
الخواطر لا لفتني وأنا حاضر وباريها تفتتح لي عيون.
والمعاني لنحرتني أرددها ولي رجوا تجوز لمسمعك
الشعر بحر(ن) غزير(ن)وأصدافه من فياضه شجون.
كم سبر في غبته هايم ولاهي يجافيه الوعك
وحالةالملتاع لا أشر وناداه الهوا من كل لون..
يكتب الفكره.وبوعيه يحبرها عساها تنفعك
بين ريضان البصيره توقف على فياض الحزون.
وأقطف البسمه من ازهورها وبفطفها معك
وبتوسد كفي اليمنى وأنا مرتاح ومن حولي غصون.
والذواري لا حكمت الستر ودارت تجافي فمهجعك
وأنت دكتور الخواطر إذا صالت وبسرار الظنون…
ومن قرأ طب المعاني وفاهمها يوقف يسمعك
ساحة الأمثال رحبه ومفهومه تهون أو ماتهون..
وكل من يجني ثمرها وعارفها بفهمه يوسعك
الشعر بستان مثمر قطافه يحوزه من يمون…..
وما يمون إلا الذي قاله ويدري ولا مره يعك
مشعل الكانون فكره وحكمه تحلييها الفنون….
ومن تحلا بالعزم والصبر وما أخطى بقوله يقنعك
نظرة الشاعر خذتني وانا فاهم وهمالي هتون..
بتحلاها بعلمي وفكري عساها تنفعك
