محمد جمعان الدوسري
الليالي تعاقب بين ماضي وحاضر……………………
ومن تحلا بعزمه يدرك المستحيل
والشقاوي فؤاده بالبلاوي محاصر………………….
كل ما أرتاح لحظه عاد كنه عليل
ياكثر ما نلاقي من سهوم شواطر……………………
والهواجيس شينه ومن ولفها ضليل
كم سبرنا الحياة وأعجبتني المناظر…………………
ودورة الوقت تمشي بين صبح(ن)وليل
بعض الأحلام تسري في تخوم المخاطر…………………
ومن سراب الأماني ياكثر مانشيل
يازمان العجايب واهج الحلم عاطر…………………….
ومن سرى به خياله شاف شينه جميل
ومن تحزم برايه وكان بالراي قاصر…………………..
لايواصل مسيره لا فخته الدليل
