تمر الليالي

محمد جمعان الدوسري ـ الدمام. المنطقه الشرقيه  

تمر الليالي والزمن يقرع أجراس…………

وكل(ن)يزايم له حمول(ن)جسيمه

وتمضي الحياه بكل ساقط و وقرناس…………

وما قدر الله للفتى له هميمه

نروح ونجي مابين لاهي ورواس……….

واللي بذر بذره يبي له عزيمه

لو كنت في رجم (ن)بعيد(ن)عن الناس…………..

اللي كتب ربي يذعذع نسيمه

خواطر(ن)طافت علييه بلا قياس…………..

كتبتها والقلب يروم رزيمه

والحي لو عنده جواهر والماس…………

وماطاع ربي حسرته مستديمه

شفت الزمان وسامني منه مرواس………..

وأنا وحظي نحتسي من هشيمه

تعاليل ملتاع(ن) فالاحزان غطاس………….

سفينة أحزانه تلد العزيمه

ماني لوحدي يصارعه كل خناس…………..

الناس واجد وكلنا وسط خيمه

الزم وعاء الصبر لاصرت محتاس………….

تري الصبر كسب القلوب السليمه