محمد جمعان الدوسري
لاهنت إقعد نشرب الشاي والبن
في صحصحٍ ننادٍ عن الناس سهلا
والجو يصفا لانجلى كل ما تكن
بين المحاني وعاطف الحزن ولا
وبين البختري والنفل دايم تحن
للي تبي لو في خيالك تجلّى
يا زين ريح السمر والشيح لا دن
لحن الأماني والهوى وأنت أشلا
في عبلةٍ هب الهبايب لها يحن
حن العليل إن صار ولهان وجلا
ما حولك إلا ضولةٍ من فضا الجن
لا جنّ ليلك زادك القطع وصلا
وأنا على ما شاقني فيه ممتن
بسلوةٍ وجيبي بالهوى لا تملا
وكل ما خذاك الشوق يا صاحبي غن
بيوت شعر تخلي الجو يحلا
لو زام ليلك بالدواكيك لا تون
بس وسّع الخاطر ولابد تسلا
يا شادي التنهات لا جيت فمنن
على العليل اللي لشوفك تمنى
متوسدٍ مركاً عتيقه لها زن
وهتان وبل البوح للحزن يجلا
والذكريات تحوفنا حوف ممتن
لا شافها النجوم رحب وهلا
