بقلم : محمد جمعان الدوسري _الدمام. الشرقيه
لو سمحت ارجوك وقف ترى ضاع الكلام.
الدروب اوساع واللي مشى يلقى سعه
ماخذينا الإ دروس (ن) ما جهلت حتى العوام.
ومن وصل له علم طيب فواجب يجمعه
العمر يمضي بنا في متاهات الزحام.
ومن يبي درب السلامه وناب الله معه
خاطره مرت علييه ولا فيها سخام.
ومن تولع بالقوافي تغير مهجعه
الحظوظ أقدار حكمه ولا فيها ملام..
وكل ما يكتبه ربي علينا نتبعه
ياهوى الملهود خل الجزع قبل الصرام.
وسج رجلك في طريقك وجرفه اربعه
وإن تقفاتك البلاوي فلا تفك الحزام…
وإحتزم بالصبر وصوت الخوى لا تسمعه
وإنتبه لاتشيل همك قليله و الجسام.
من مسك جمره لضاها في كفه يلسعه
وحط لك عن التشائم وأسبابه لثام.
الأماني بالهوى والهموم مرصعه
قلتها وانا عليل(ن) ولكن مستهام.
ومن تحلا بالصبر طاعة الله مرجعه
