منهجي ما احمل الاحقاد لله

بقلم : محمد جمعان الدوسري

منهجي ما أحمل الأحقاد لله….

ولو وصلني جهل من يجهل غفرته

اتحمل ما يجي منه وأحله…..

واذكر الله ثم احوقل لا فتكرته

من يشيل الحقد في قلبه فخله..

عنك لايسلك طريقك لاخبرته

التسامح للشلي نهج وجبله..

من عرفها وامتثلها مانهرته

واذكره بالفضل يوم الفضل غله…

من تحلاها من اصحابي شكرته

ومن يخالفها فلا تفتح سجله.

وادمح الزله لخلك لا ذكرته

كامل الأخلاق بين الناس والله

يبشر بخير الحياه إذا إختبرته

والصبر خله مثل مزل دله..

قنده بالحب يوم انك ضفرته

كم تعلمنا نروز الطيب كله..

من ابوي وكل فعله ما خفرته

رغم ما عانى له الإحسان خله.

أشهد إنه من رحل عنا خسرته

الحياه أعلوم ودروس وأهلله.

وكل ما فيها من أمجاد(ن)زبرته

علموناوماتعلمنا فكله..

فضل ربي وفعل ما يخزي هجرته

ياهجوسي إنحر الشاقي وقل له.

إنتبه للدرب لامنك عبرته