تعاليل المناجاه

بقلم : محمد جمعان الدوسري 

تهاليل الهوى الطيب لفاني وصار لي عاده.

إذا هب الشمال بطيب طيبه قمت مستانس

وانا لي في الدعا عهد(ن)قديم وشي معتاده

إذا أمسيت أواصبحت واغطش ليلي العابس

تلازمني مناجاة العظيم واطلب إمداده..

ومن لا يذكر الله وحده كيف يستأنس

عسى الله يحفظ العبد العليل إذا اخلف الجاده..

وعاد لخالقه في ذل عبد(ن)للأسى يلاسى

تعلمت الصبر والصبر يسعد كل معتاده.

سراج الذكر عند الهم يطفي مشعل(ن)قابس

إذا شاف الشجون طعوس وزادت في تنهاده..

فيشكي الأمر للقيوم وحده لو غدا واجس

ويدفن في فضا علمه همومه قبل تصطاده..

وهذي حالة المؤمن إذا كان الرجا سايس

ومن لا يذكر الله في الشدايد يفقد إرشاده.

ومن لا يشكر الرحمن يوقظ همه الدارس