محمد جمعان الدوسري الدمام – الشرقية
على سيف البحر قاعد أناجي وحشة الأيام……
مع أحلامٍ غدت مني ولا أدري كيف أناديه
أطالعها مع الموجة تكسر والهوى حوام……
تجيني وتاخذ آمالي معاها وما تخليها
تنادي لي الحنين اللي يعاودني بفيض أنسام……
من الوجد القديم يفيض حسنه من مناحيها
وأنا في خلوتي جالس لوحدي بين هالأكام……
مع الذكرى الجميلة لا احتوتني وبان ناديها
خذاني وهجها الطيب وعاودني ومعه أحلام…….
وعبير الشوق لأيامٍ جميلة كنت لي فيها
ولجت والحنين الصب يسابقني مع الأنسام……..
خيالك يا حبيبي يوم شفتك وأنت ماليها
سلام الله عليك اليوم بكرة والهوى مرزام…….
زلال الوجد من صبٍ تناديه ويناديها
