الشاعر:احمدعبدالحق
جاتني أمي في المنام
الصوت في ودني هزني
حنانها في لحظه شدني
للسيدة زينب والإمام
أيديها علي جسمي معلمة
ترقيني بكلام ربنا
أيات ربانيه مش كلام
أتحصن ياأبني برحمته
إياك تتوه عن سكته
بركعتين ممكن تتوب
ماهو لو كان إبليس ركعها
مكنش شال كل الذنوب
بابه ديما مفتوح برحمة
مكتوب عليه ستار عيوب
بص يابني
أرمي حملك علي الإله
أوعى تشيل هم بكرة
او تخاف من الحياه
لو حسيت بضيق في صدري
عود لربك
أعترفله بكل ذنبك
قوله حلمك
أرمي حملك
هتلاقي عنده النجاه
بص يابني
الدنيا فانية
طول وعرض
تأكيد وشرط
رايحه ديما
كل الناس فاكرنها ديما
فاكرنها بتتذؤق وجايه
رايحه رايحه
سوق كبير
ناس مخلوقه شاريه
وناس مخلوقه بايعه
وناس في الأصل تايهه
متعرف هي رايحه
و لا هي في الأصل جايه
