محمد جمغان الدوسري
خذيت لي من بارد الماي مزه……
تطفي لواهيب(ن) من القيظ غازي
وانامن الهاجوس خذيت لزه…….
تلزني لزة قطيع الجوازي
وانا ضعيف(ن) والدواهي تهزه…..
هزةعريش(ن)صاحبه عنه عازي
ولا وحيد(ن)اتركوه الاعزه…….
في مهم(ن)قفر(ن) عديم العزازي
مع تقل حمله بان للناس عجزه……….
ودلا يبرق وين نجواه تازي
وانا كذا رمت القيصد استفزه….
عساني القى غايتي في المفازي
ياوجد باح السد في كل حزه….
باشواق ملتاع(ن) عن الناس نازي
لا صاحب(ن)لوعات حالى تكزه..
ولا خوي(ن)مايروم الركازي
لاغاب عن عيني خياله ارزه….
ماله من العالم شبيه (ن)موازي
حتى كلام الناس ما يستفزه……….
يقوس قبل يغوص بالود فازي
بعض الحكي يتعبك همزه ولمزه….
فخل لك عن الحكي السقيم احترازي
وان طاف بك شي(ن)يغثك فوزه….
ما يتعب الممرور غير اللمازي
