إلهام علاء _ مصر
طرحت المطربة المصرية الشابة نورهان المرشدي أحدث أغانيها التي تحمل أسم “فرصة كمان” وذلك عبر موقع الفيديوهات العالمي “يوتيوب”، وهي من إنتاج Nj Music – هاني محروس.
أغنية “فرصة كمان” من كلمات وألحان عزيز الشافعي، توزيع وفواصل موسيقية جلال الحمداوي، ميكس وماستر م/هاني محروس، كمانجات محمد مدحت، عود سمير عبد المطلب، كلارينيت سعدون، رسم صوت رفيق عدلي.
كلمات أغنية “فرصة كمان”
ادي الباب مفتوح اتفضل
ضاع العمر وايه اللي اتفضل
انا من غيرك احسن جدا
انا من غيرك افضل
ادي الباب مفتوح ع الاخر
واحنا خلاص جايبين م الاخر
وسع من سكتي وإتاخر
انا جنبك مش هفضل
فرصة كمان لا ياحبيبي ياما ادينا زمان
فرصة كمان لا معلش عشان مبقاش في مكان للاحزان
وانت حكايتك دي في طي النسيان
لو حبك ذنب انا كفرته
وكان عندي قلب وكفرته
من كتر الحزن ودمرته
مش هتحمل اكتر
مبقاش فيا نفس لملامة
واتفضل مع الف سلامة
خرجني بقى م الدوامة
صدقني انا مش هقدر
فرصة كمان لا ياحبيبي ياما ادينا زمان
فرصة كمان لا معلش عشان مبقاش في مكان للاحزان
وانت حكايتك دي في طي النسيان
وتأتي أغنية “فرصة كمان” بعد إكتشاف المنتج هاني محروس للمطربة نورهان المرشدي، حيث أنتج لها عدد من الأغاني التي حققت النجاح وأعلي نسبة مشاهدة عبر القناة الرسمية لشركة “Nj Music” علي “اليوتيوب” ومنها : “طبعك غلاب” تخطت هذه الأغنية 8 مليون مشاهدة، وهي من كلمات وألحان عزيز الشافعي وتوزيع موسيقي أحمد عبد السلام، جيتار أحمد حسين، ميكس وماستر وهندسة صوتية م/ هاني محروس، وإخراج عمر أيمن.
وأغنية “باب الطيابة” وحققت هذه الأغنية 4 مليون مشاهدة، وهي من كلمات مصطفى حسن وألحان مصطفى العسال، توزيع أماديو، وإخراج نبيل مكاوي.
