محمد جمعان الدوسرى
تزلزلت كل الشواهق يوم قالوا لي إرحلت
الصابره في روحها بالعزم للرٱئي عبر
تحملت حزن الزمان ماهدها وما إجفلت.
على أتون المؤلامات ف عينها ذاب الصبر
في الليل تشرق ثابته وإذا إتعبت تبتلت
مع الذكر للصبر لذة صادقة لمن شكر
سنين مرت حلوها مع مرها ماتبدلت..
لجت تصلي فرضها يموج من عيني بحر
منها الحياة إستمطرت فزت خفوقي وأقبلت
دمعة خشوع تلفني في شالها مع الذكر
مريت لحد(ن)ضمها معالمه تحلحلت.
بس النصايب باقيه والبوح من قلبي حضر
والأرض حوله معشبه من طيبها تكحلت.
نسمه من الفردوس حطت في روابيها جسر
ذيك السنين اللي مضت بزولها تفضلت
عليي حتى شفتها رجعة خفوق المدكر
جلست مع صمت الهوى ودموع عيني بللت
كفي وباح الوجد حتى ذاب قلبي وإنفطر
ماهي غريبه لاختلط
حزني بحنيني و جلجلت.
صوت الشجون اللي توريني من أشجوني صور
لامر طيف الوالده على وجيبي وإهطلت.
عبرات ٱهات السنين وفيض قلبي ينهمر
رفعت كفي في صلاتي بالدعا وتعللت.
نفسي بذكر الله وجيته في خشوع المصطبر
