محمد الثوعي
الطيب عند اللي يحب المواجيب
والا الردي محد ٍ يقدر جنابه
رجل ٍ طموحه صار باعلى المراقيب
يعوي كما ذيب ٍ يدوّر ذيابه
ما يقبل الهزله ولا ينقل العيب
عرضه نزيه وراس ماله صوابه
العقل نعمه يرفع الرجل ويطيب
حكمه مع منطق يزيده مهابه
المرجله ماهي بفتل الاشانيب
اللي شنب ديكور ناقص نصابه
ما ينفعك وقت الطلب والمناشيب
بارد وجه ماقدّر اللي انتخابه
الطيب وهبه ما يجي بالمطاليب
وآنا لقيت الطيب عز وذرابه
