محمد جمعان الدوسري الدمام. الشرقية
في مساريب بوحي يوم هب الهبوب
صرت مثل العليل اللي سكن صومعه
أتملا حديث النفس وأنا أذوب
وإن هجدني الحنين وصال بي أقمعه
والنوازل لزادت تستبح القلوب
لين تخطف ضعيف(ن)ثم تدوي معه
أتعبتني إحمولي لين دست ألخطوب
والفجاج الوسيعه للهوى مطمعه
من يطارد حزون (ن)كل ابوها ثقوب
ينتبه لا تصول ولادوى تقمعه
فيضة الحلم تاهت في ملاوي الشحوب
والحلوم القديمه حارت فمدمعه
مازرعت الموده في مسيل(ن) رحوب
والصبر والتروي ماعرفت أجمعه
أتعبتني التجارب والعفو كيف أأوب
ساحة البوح رحبه والأمل ترمعه
من يروم الأماني ينتبه لايذوب
في فجاج الوسيعه يوم تبرم معه
بين أشلاء فكري أنتظر للغروب
والحلوم القديمه كنها مشمعه
ذي حصيلة سنين مكبله بالندوب
صوت حظي لفاني بفهمه واسمعه
