محمد جمعان الدوسري الدمام. الشرقيه
في صحاصيح(ن) خلاها ما تسوى.
وفي فجاج طيبه ماهيب غمره
قمت أسج الرجل وأكتب واتهوى..
والنجوم اسراب فأطراف المجره
ضايقتني حالتي وأنا أنلوى.
مره احوقل وأناجي الله مره
وأذكر الله واحمده مع كل نجوى.
بالتوسل ما فختني يوم شكره
رافع(ن)لله كفي وتشلوى..
طالبه يرحم ضعيف قام(ن)وتره
لا اله الا الذي خيره تعلوى.
يرحم المضكوك لامن تاه فكره
الفطين إتزيده الألام تقوى…
ولا عرف معنى الألم يروم صبره
مايجي للمرء كل ما كان يهوى.
ومن تمسك بالأمل يطيب سبره
ياحصيف الراي لا لا لا تلوى..
الحياه لو سامتك مهيب عكره
والفطين إذا ضوى وقته تقوى..
ومن سقى بذره وطاب يطيب زهره
إن جفاك الوقت أو سامك تروى
من تراكا للعظايم زاد خبره
الرضا لاجانب المشعوف يدووى..
وإن جفاه الصبر أهمومه تضره