محمد جمعان الدوسري الدمام – الشرقية
يا زين يا أبو عكاريش
لا هنت لا تتعب الساري
قلبه كما خافق الريش
من الوله أنت له طاري
أرفق على صاحبك لا يطيش
الصب مهوب عذاري
طاري الهوى ما يبي تشويش
حيثه إذا شاش غداري
الشوق كنه شواكيس
شك الهوى ما له استاري
دخلتنا في الوله بشويش
ومن رف قلبي عرف جاري
إن الهوى مثل زاد وعيش
يعتاش به كل خطاري
شيء لفاني كأنه جيش
رجعه تغنت له فكاري
كتبتها ولا تقل لي ليش
طيش الهوى طاش يا مشاري