محمد جمعان الدوسري. _ الدمام المنطقه الشرقيه
فمان الله ياذاك الزمان اللي ماعاد يعود …..
وفمان الله ياذكرى الحنين اللي سرى بذاتي
وفمان الله ياذعذاع عطري والشذى والعود…….
وترياق الحنان اللي تغذت منه واحاتي
فمان الله ياعمري وشوقي والهوى المعهود….
ياريف الحب في بستان روضي وفيض نسماتي
اطالع من بعيد لصورتك ياصاحبي مشدود……
الى ذاك المكان اللي عبيره لارحل آتي
اعيشك نبض قلبي والحنين وخاطري مفؤود…..
وانادي لك اذا جن المساء ولجت أهاتي
عزف قلبي ترانيم الحنيين وجرها برعود……..
تلاحت في سماه وجاوب التنهيد زفراتي
انا من دونك احزاني تداعب مهجتي واتكود…..
تغير كل شي في حياتي وادهم الاتي
اراجع سالف ايامي اذا دارت وانا مضهود……
وانادي لك وان في خلوتي وأتوه طلاتي
ترى الايام تاهت بي على رجم العنى ويزود…
نحيب الوجد والاشجان في افياء حالاتي
الاياطارف الذكرى الجميله لاطلبتك عود…..
ابيك اتبدد احزان(ن) عظيمه سيلها عاتي
ابجلس احتسي الذكرى ورى الذكرى بدون احدود…..
عسى الايام لا راحت بعيد اطول مداتي
سلامي يوصلك كله حنين وطيب ومحمود……..
ينادي وجهك الباسم معه ازكا تحياتي
