محمد جمعان الدوسري _ الدمام. المنطقة الشرقيه
خَذِيتْ لي مع سيحة البال فنجال
وشربتْ فنجالي مع إبريق شاهي
وأنا أتقهوى طِفتْ يا خوي بالبال
ودندنتْ لك لحنٍ جميلٍ وناهي
كأني تحت رَجْمٍ يظلّني إظلال
أركانه الرحبة وذا الظل زاهي
وغنّيتْ بالمسحوب ويروق للفال
طَرْقِ اللحون اللي تجيني كما هي
كم ليلةٍ ناجيتْ فيها النجم والحال
سارح مع أحلامٍ تلد انتباهي
وأنا أبرقْ في السما وأجرّ موال
أنسى به أحزانٍ تجيب الدواهي
يا وجدْ حالي وجدْ من شال الأهوال
وهو صغيرٍ صارم الحال راهي
ودموعْ عينه فوقْ خدّه ولا احتال
يُخفي شجونه لا غرَزْتْ في الشفاهي
تعالْ شفني واذرف الدمع بالحال
مثلي وخلك مشرفٍ بانتباهي
وارفعْ يدك لا صرتْ واقف على الجال
لله وقلْ له: رحمتك يا إلهي
